Máster Universitario en Innovación en Nutrición, Seguridad y Tecnología Alimentarias Universidade Santiago de Compostela

O título de Máster en Innovación en Nutrición, Seguridade e Tecnoloxía Alimentarias pola Universidade de Santiago de Compostela é un título oficial, cunha duración de 90 créditos, correspondente á area de Ciencias, que ofrece ao alumnado unha formación de calidade de carácter especializada en Nutrición, Tecnoloxía e Seguridade Alimentarias que permita dar resposta social ás esixencias da Unión Europea en relación coa mellora nutricional e protección da saúde dos consumidores e a seguridade dos alimentos.

Os profesores implicados na iniciativa do máster, pertencentes a distintas áreas de coñecemento, achegan unha ampla formación sobre os distintos aspectos relacionados cos alimentos, a nutrición e a cadea alimentaria, o que permitirá unha formación multidisciplinar, dirixida a promover a especialización, a súa incorporación a empresas do sector alimentario, así como a calquera estrutura oficial de control das administracións públicas e das distintas organizacións que interveñen na cadea alimentaria. Ademais do profesorado propio da USC, participan no máster profesionais do Instituto de Investigacións Mariñas (CSIC) e da Sociedade Galega de Endocrinoloxía, Nutrición e Metabolismo.

Este Máster pretende formar titulados con orientación científica e unha excelente preparación académica, capacitados para seren docentes e investigadores de alta calidade no marco da Nutrición, a Tecnoloxía e a Seguridade Alimentaria no seu sentido máis amplo, e que poidan continuar cos seus estudos de doutoramento, desenvolver a súa propia industria ou colaborar na innovación e desenvolvemento en ámbitos relacionados cos alimentos e/ou as empresas alimentarias.

Por outra banda, a Titulación trata de acercar os alumnos ao mundo laboral mediante a realización de prácticas preprofesionais en empresas agroalimentarias. Neste sentido, a implicación do tecido empresarial é moi importante, xa que se conta coa colaboración de numerosas empresas do sector, así como de todas aquelas asociadas ao Clúster Alimentario de Galicia.

O nivel formativo acadado no Máster, poderá servir así mesmo, de base para iniciar os estudos conducentes ao título de doutor, que é o xerme das novas xeracións de investigadores en organismos públicos e privados de investigación, departamentos de I+D+i en empresas, laboratorios, centros oficiais de control e, de ser o caso, dos futuros profesores universitarios no campo da Nutrición, Bromatoloxía, Tecnoloxía e Hixiene dos alimentos.

Objetivos

Aqueles alumnos que, ademais, demostren unha comprensión sistemática e dominio das metodoloxías de investigación relevantes na Tecnoloxía e Seguridade dos alimentos de última xeración, que demostren capacidade de idear, deseñar e poñer en práctica unha investigación orixinal de calidade que contribúa ao desenvolvemento do coñecemento neste campo, poderán alcanzar o título de doutor.